Спремете се за уште посилен Јуве

Торински Јувентус веќе со години доминира во италијанскиот фудбал. Старата дама освои седум титули по ред во Серија А, а како тргна во новата сезона тешко дека и оваа година некој може да им застане на патот.

Сепак, целта на Бјанконерите е освојување на ЛШ на која чекаат од 1996. година, а раководството на овој тим размислува за дополнителни засилувања во овој поход.

Ова лето донесоа неколку засилувања меѓу кои и Роналдо, а веќе во следниот преоден рок посакуваат уште неколку големи имиња.

Како што наведува Калчомеркато, првата желба на торинскиот тим е фудбалерот на мадридски Реал, Иско. Тренерот Алегри веќе разговарал со челниците на тимот и им соопштил дека за наредното лето прва желба му е Иско.