Шпанското обвинителство соопшти дека отворило случај против тренерот на Манчестер Јунајтед Жозе Мурињо за даночна измама во 2011 и 2012 година, кога беше тренер на Реал Мадрид.
„Специјалниот“ е обвинет дека ја измамил шпанската даночна управа за 3,3 милиони евра, за неплаќање данок на приход во 2011 и 2012 година. Според соопштението на Обвинителството, случајот на Мурињо бил веќе предаден пред локалниот суд во Мадрид.
Данска vs. Македонија: Како тие се справуваат со отпадот, додека ние се расправаме кој е крив?
Обвинителите тврдат дека португалскиот тренер, додека работел во Шпанија, не ги пријавил приходите што ги остварувал од користење негова фотографија во рекламни и пропагандни цели.
Мурињо не е првиот во овој спорт кој има проблеми со шпанските даночни власти и со обвинителството. Минатата недела беше обвинет и Кристиано Роналдо, дека извршил даночна измама од 14, 7 милиони евра. Претходно судот веќе ги осуди Лионел Меси и Хавиер Маскерано за исти кривични дела.
Учество во игри на среќа е дозволено за лица со 18+ години. Играј одговорно!