Со Марадона ја покори Италија, а денес е бездомник во близина на Наполи

Пјетро Пузоне играше во славниот период на Наполи во времето со Диего Армандо Марадона.

Денес, 30 години подоцна поранешниот играч за врска на Наполи живее на улица и едвај преживува од ден во ден, објави „Газета дело Спорт“ која ја пренесува приказната за Пузоне.

Пузоне е бездомник, спие на улица во Ачери градче на 14 километри од Наполи. Бездомник стана поради низата проблеми во кои се впушти. Имено тој стана зависник од дро*а и неговиот живот толку се промени што дојде до тоа да биде и бездомник. Иако беше освојувач на Скудето и заработи доволно за нормален живот.

Градоначалникот на Ачери, Рафаел Летиери изјави дека се работи на тоа животот на Пузоне да се доведе во нормала.

„Се обидуваме да го изведеме на вистинскиот пат, но советувањата и одвикнувањето не помогнаа. Се надевам дека ќе успееме во нашата намера“, изјави Летиери.