Солскјер: Разочарани сме, можевме да освоиме три бода против силен тим

Meнаџерот на Манчестер Јунајтед Оле Гунар Солскјер жали за пропуштените шанси во денешниот меч против Лестер.

Во интересен  натпревар Манчестер Јунајтед и Лестер одиграа 2:2 и ги поделија бодовите. „Црвените ѓаволи“ на два пати водеа, а „лисиците“ два пати изедначуваа.

„Разочаран сум што не победивме, имавме многу шанси. Лестер е силен тим и денес покажаа дека се квалитетни. Не чека нов натпревар за три дена. Имаме еден ден да се опоравиме и да го искористиме мудро. Бодот не е најлош резултат, но разочарани што имавме прилика и не ги освоивме сите три“, изјави Солскјер.

Манчестер Јунајтед е трет на табелата во Премиер лигата со 27 бодови, еден бод помалку од Лестер кој има и натпревар повеќе. Во наредното коло „црвените ѓаволи“ ќе играат против Вулвс.