Солскјер одлучил: За овие петмина во Манчестер Јунајтед следната сезона ќе нема место

На Оле Гунар Солскјер му оди одлично на клупата на Манчестер Јунајтед, а во летото кое следи сака да доведе и засилувања по своја желба, под претпоставка дека ќе остане тренер на Јунајтед нешто во кое никој не се сомнева.

Норвежанецот седна на клупата на Манчестер Јунајтед во декември кога го наследи Жозе Мурињо и од тогаш „црвените ѓаволи“ играат одлично.

Англиските медиуми пишуваат дека тој веќе во својата глава има замислено како би изгледал составот на Јунајтед во наредната сезона, а многу веројатно е дека во него ќе нема петмина сегашни играчи на неговиот тим.

Медиумот кој важи за добро запознаен со случувањата во Манчестер „Manchester Evening News“ пренесува дека Солскјер ги отпишал Антонио Валенсиа, Маркос Рохо, Матео Дармијан, Хуан Мата и Алексис Санчез.

Секако, најголемиот губиток на Јунајтед би бил заминувањето на Мата и Санчез, но со обзир на нивните одиграни натпревари во оваа и минатата сезона, навивачите најверојатно нема да имаат причина многу дa негодуваат.

Освен споменатите пет фудбалери, Солскјер наводно ќе сака да отпише уште двајца така што би направил простор за некои нови играчи кои планира да ги доведе.

Ќе потсетиме Солскјер со Јунајтед успеа да го елиминира Пари Сен Жермен и да се пласира во четвртфиналето од Лигата на шампионите каде што ќе игра против Барселона.