Солзи на полувремето – Фудбалерите на Севиља дознаа страшна вест и го одиграа натпреварот на животот

Ова без сомневање е една од најстрашните фудбалски приказни.

Севиља во вчерашниот натпревар од Лигата на шампионите успеа да стигне до нерешен резултат иако на полувремето Ливерпул имаше предност од 0:3.

Тренерот на Севиља, Едуардо Беризо на полувремето на своите фудбалери им соопштил страшна вест.

Имено, него му бил дијагностициран рак на простата, неговата борба што туку почнува. Аргентинецот кој поранешен тренер на Селта ќе мора да оди на лекување, а оваа шокантна вест веројатно ги мотивирала неговите фудбалери.

Успеаа да се вратат во натпреварот после 0:3 со двата гола на Бен Једер и еден на Пизаро во продолжение и така изненадувачки успеаа да се извлечат од пораз.

И додека „Писхуан“ славеше очите на фудбалерите беа полни со солзи поради тренерот. Беризо има 48 годин и оваа сезона на клупата на Севиља го наследи Сампаоли.