Скандал во Словенија: Тренерот на Радомље му удри шлаканица на Ибричиќ🎥

Скандалозни сцени ни доаѓаат од првенството на Словенија, каде Радомље синоќа го победи Домжале со 1-0 во 36-та коло на словенечката Прва лига.

Меѓутоа, натпреварот го одбежела голем инцидент, кога тренерот на домашната екипа Оливер Богатинов му удри шлаканица на спортскиот директор на Домжалe, Сенијад Ибричиќ.

До судирот дојде откако Филип Чуиќ во 88-та минута го постигна единствениот гол на натпреварот. Се случи конфликт меѓу двете клупи, а потоа и физичка пресметка меѓу членовите на двата клуба.

Богатинов го удри Ибричиќ, кој своевремено беше и фудбалер на Вардар.