Сите мислеа дека е во пензија, но тој се враќа во Италија спремен за игра

Легендарниот фудбалер Даглас Маикон се уште нема намера да се пензионира.

Овој 39-годишен фудбалер една година беше без клуб, а потоа потпиша договор со бразилскиот нисколигаш Вила Нова. Но, медиумите од Апенините пишуваат дека Маикон се враќа во Италија.

Маикон најдобрите денови од својата кариера ги помина во Интер и беше член на славната генерација од 2010. година која ја освои тројната круна. За Интер играше шест години, а потоа во Италија настапуваше во Рома каде помина три години.

Иако многумина мислеа дека веќе се пензионирал, се излажале. Маикон е мнгу блиску кариерата да ја продолжи во Серија Д во дресот на Сонa.

„Не се осудувам да кажам, но тоа е вистина. Го имавме тој план и пред неколку месеци, но не го реализиравме. Во контакти сме, тој е подготвен да се врати во Италија. Верувам дека на почетокот од јануари ќе биде наше ново засилување.“ – изјави претседателот на овој италијански нисколигаш.