Се огласи и мајката на Ѓоковиќ: Како едвај да чекаа вакво нешто

Новак Ѓоковиќ е на удар на јавноста откако на „Адрија Тур“ турнирот кој го организираше се заразија неколку тенисери меѓу кои и самиот тој.

Српскиот тенисер во Белград и Задар организираше турнир на кои присуствуваа голем број гледачи и каде што тие се дружеа со тенисерите. Покрај спортот, тие и добро се забавуваа.

Кога Димитров беше првиот тенисер кој се покажа како позитивен на коронавирус, турнирот веднаш се прекина, а Ѓоковиќ почна да добива страшни критики. Сега во јавноста се огласи неговата мајка.

„Страшно е ова што се пишува, но ние веќе се навикнавме. Како едвај да чекаа вакво нешто, очигледно Новак им пречи“, започна мајката на Новак, Дијана.

Таа потврди и дека сите се чувствуваа добро.

„Сите сме добро, како и Новак и Јелена. Тоа што е позитивен не значи дека е болен. Тој е млад човек кој лесно ќе го надине ова. Всушност мислам дека овој вирус е при крај, не е силен како на почетокот“, изјави Дијана Ѓоковиќ.