Практично анонимниот Италијанец, Марко Чекинато направи уште еден подвиг на „Ролан Гарос“, го победи Новак Ѓоковиќ со 3:1 и се пласираше во полуфиналето.
Чекинато одлично го започна мечот и изненадувачки поведе со 2:0 во сетови, по што следеше период на доминација на Ѓоковиќ.
Традицијата продолжува, се трансформира - Pinko Crafts ↓↓↓
Србинот лесно го освои третиот сет со 6:1 и имаше шанса да се врати, но ја испушти предноста во четвртиот сет, кој на крајот се играше на тајм-брејк.
Во тајм-брејкот имаше вистинска драма, која на крајот му припадна на Италијанецот со 12:10 и победа од 3:1 во сетови.
Ова е секако најголем успех во кариерата на момчето од Сицилија, кое за влез во финалето ќе се бори со Доминик Тим.
Каков успех е ова за Чекинато доволно покажува фактот што е првиот Италијанец после 40 години во полуфинале на еден Грен Слем.
Учество во игри на среќа е дозволено за лица со 18+ години. Играј одговорно!