Сари најави неверојатен преседан против Рома: Првиот тим на одмор?

Торински Јувентус синоќа лесно беше поразен на гостувањето кај Каљари со 2:0.

Старо-новиот шампион одигра уште еден од бројните лоши натпревари оваа сезона и на крајот заслужено беше поразен од расположениот за игра домашен тим.

Во последното коло кое се игра во сабота Јувентус ќе ја пречека Рома, а во овој натпревар на теренот можеме да го видиме резервниот состав на Старата дама.

Тренерот Маурицио Сари сериозно размислува против римскиот тим поради замор на своите фудбалери да игра со тимот до 23 години.

„Ние сме единствениот тим во Европа кој одигра пет натпревари во 12 дена. Ќе видиме како ќе се чувствуваме утре, но ќе биде потребно да ја ставиме У23 екипата да игра во последното коло, со што првиот тим ќе се одмори.“ – изјави Сари после натпреварот.

Одлуката за овој потек би требало да биде донесена утре.