Руни беше соиграч со Роналдо пет години, а сега го „предаде“: Меси е најдобриот на сите времиња

Вејн Руни го пофали Лионел Меси и го нарече најдобриот играч кој светот го видел, иако самиот Руни беше соиграч со Роналдо во Манчестер Јунајтед.

Руни со Роналдо не играше малку време, заедно беа пет години, (2004 до 2009) но тој не крие дека според него Меси е подобар играч.

Додека го носеше дресот на Манчестер Јунајтед, Руни два пати губеше од Барселона во финалето од Лигата на шампионите.

„Во двата натпревари би биле фаворити доколку игравме против било кој друг тим во светот, а тоа да не е Барселона. Во моите очи Меси е најдобариот играч на сите времиња. Тоа што го прави тој е неверојатно. Меси има од се по нешто“.

„Меси има од се по нешто – го гледате как опостигнува голови, а игра во средината повремено. Додека јас одев на теренот, тој постигнуваше голови. Според мене тој е најдобриот во историјата“, потенцираше англискиот напаѓач.

Руни денес настапува во МЛС лигата за тимот на Ди-Си Јунајтед.