Роналдо тврдеше дека е најдобар во историјата – Еве што му одговорија од Барселона

Не се чекаше многу од Барселона да одговорат на тврдењата на Кристиано Роналдо дека е најдобар фудбалер на сите времиња.

Португалецот ја освои својата пета „Златна топка“ и така се изедначи со Лионел Меси на врвот, а во интервјуто за „Франс Фудбал“ во свој стил истакна дека не постои подобар фудбалер од него.

„Не гледам никој подобар од мене. Ниту еден играч не прави работи кои јас не можам да ги направам, но јас правам нешто што другите не можат. Не постои покомплетен фудбалер. Јас сум најдобар во историјата“, изјави Роналдо.

Очекувано од Барселона не се сложуваат со Роналдо.

Портпаролот Хоез Вивес му честиташе на Роналдо за успехот, но за него нема сомневања кој е најдобриот фудбалер во историјата.

„Го респектирам Роналдо и неговите достигнувања. Го сметаме за одличен играч со голем натпреварувачки дух. Но, најдобриот играч игра тука на „Ноу Камп“, а тоа е секако Лионел Меси“, изјави Вивес.