Рома со големи проблеми пред гостувањето во Милано

Дефанзивецот на Рома, Џанлука Манчини денес даде позитивен тест на коронавирус, потврдија од клубот.

„Се тестирав и позитивен сум на Ковид 19, па моментално сум во карантин“, откри Манчини на социјалните мрежи.

Манчини поради тоа ќе мора да пропушти неколку натпревари, а тоа ќе биде проблем за Рома пред дербито со Милан во понеделик.

Покрај Манчини, тренерот на „вочицата“ нема да може да смета и на Крис Смолинг, па сигурно ќе има проблем да ја состави одбраната.