Рома го најде наследникот на Михтарјан

Раководството на Рома работи на трансферот на плејмејкерот на Лион, Хусем Ауар.

Рома веќе испрати првична понуда и е во напредни преговори со Лион, бидејќи во Ауар гледа идеална замена за Михтарјан.

23-годишниот плејмејкер до минатото лето беше на радарот на многу европски гиганти, но после просечната сезона која ја одигра, нема многу понуди и Рома сака да ја искористи ситуацијата.

Французинот веќе дал согласност за трансфер во Рим и ги договорил личните услови со „волчицата“.

Двата клуба би требало да го договорат трансферот во наредните денови, а Рома ќе плати 15 милиони евра плус бонуси.