Реконструкција во Челзи, Тухел „пречкрта“ девет фудбалери

Новиот тренер на Челзи, Томас Тухел веднаш откако дојде бележи добри резултати, но спрема голема реконструкција на тимот за следната сезона.

Неодамна имаше голем инцидент помеѓу Рудигер и Кепа на тренинг, но наводно тоа не е единствен, бидејќи во лоши односи се Аспиликуета и Џејмс.

Англиските медиуми пренесуваат дека Тухел донел одлука да направи големи промени меѓу кои Рудигер, Абрахам, Емерсон Палмери, Томори, Жоржињо и Кепа Аризабелага.

Нема да има место во тимот и за фудбалерите кои ќе се вратат од позајмица како Батчуаи, Баркли и Лофтус-Чик.

Наводно од продажбата на овие фудбалери Челзи се надева дека ќе инкасира 200 милиони евра, а главна трансфер мета ќе биде Ерлинг Халанд.