Реал му нуди нов договор на Марсело

Раководството на Реал Мадрид сериозно ја разгледува можноста да му понуди нов договор на ветеранот Марсело.

Актуелниот договор на Бразилецот истекува на лето и се очекуваше тој да го напушти „Сантијаго Бернабеу“. Во последните денови, сепак, дојде до пресврт и сега се големи шансите тој повторно да потпише за уште една сезона, тврди „Мундо Депортиво“.

Пред неколку дена, 33-годишниот лев бек стана играчот со најмногу трофеи во историјата на Реал Мадрид. Тој веќе има 24 пехари на своето конто – еден повеќе од Пако Хенто. Ова стана факт откако „кралевите“ и официјално ја обезбедија титулата во Примера.

Марсело оваа сеозна запиша само 5 натпревари во Ла Лига, но е важен дел од соблекувалната и прифатил значително намалување на платата за да остане во Мадрид.