Реал „десеткуван“ во финалето против Атлетико

Реал Мадрид и Атлетико вечерва ќе се борат за трофејот во шпанскиот Суперкуп во финалето кој се игра во Саудиска Арабија.

Од оваа година шпанскиот Суперкуп се одржува во различен формат, каде што играа четири екипи, а Атлетико и Реал изборија пласман во финале, откако претходно победија против Барселона односно Валенсија.

Зинедин Зидан се соочува со проблеми за денешниот меч бидејќи нема да може да смета на неколку свои ѕвезди, меѓу кои Герет Бејл, Еден Азар, Карим Бензема, како и од поодамна повредениот Марко Асенсио.

Атлетико Мадрид се очекува да биде во најсилниот состав и тренерот Диего Симеоне конечно се надева дека ќе го освојат трофејот во Суперкупот.