Реал го сака играчот на Леверкузен. Поради него ќе го прекршат клупското правило?

Одличниот стопер на Баер Леверкузен, Џонатан Тах е на мета на Реал Мадрид. Избраниците на Карло Анчелоти посакуваат дефанзивна стабилност, а 28-годишниот стопер на германската репрезентација би можел да биде решение за тој проблем. Во Реал се повреди и Бразилецот Едер Милитао, па тренерот Анчелоти останува без опции во последниот ред, кој покажа многу несигурности оваа сезона.

Тах е висок 195 сантиметри и игра како централен дефанзивец во формација каде тројца играат во бековската линија. Тој е сигурен на излетите и има 56 проценти успешни дуели по натпревар. Тој е особено добар во воздушните дуели. Минатата сезона беше постојан член на стартната постава, во која Леверкузен без пораз го освои германското првенство.

Сезонава има 17 настапи и еден гол. Трансфермаркт го проценува на 30 милиони евра. Интересот на Реал го објави познатиот германски инсајдер Флоријан Плетенберг и истакна дека Реал е подготвен да го донесе оваа зима.

Тоа би бил преседан бидејќи е непишано правило дека Реал не носи играчи во зимскиот преоден рок. Таквата политика се спроведува затоа што играчите донесени за зима не можат да играат со остатокот од тимот. За Тах е заинтересиран и Баерн кој сака да го убеди да дојде на лето, кога ќе му истече договорот.