Ракометарите на Вардар, во дербито на колото во Лигата на шампионите, в сабота во „Јане Сандански“ ќе го пречекаат актуелниот европски шампион Кјелце.
Полскиот и македонскиот гигант имаат ист број на бодови, по осум бода, па токму затоа дуелот кој е прогласен за меч на колото во ракометната елита најавува суперинтересен ракомет.
До кога ќе дишеме отровен воздух!? | Уште еден поткаст
„Очекувам добар натпревар против екипа која има добри, физички силни и квалитетни ракометари. Кјелце има добар напад на што ние ќе мора да одговориме со добра одбрана и ќе мора да ја користиме нашата контра. Имаме уште два дена да се подготвиме за мечот, а по тренингот во петок ќе решам кој ќе игра на натпреварот против Кјелце“, рече Раул Гонзалес.
„Сите сме добри, трениравме напорно изминатиот период и се надевам дека ќе одиграме еден солиден меч. Исполнета сала ќе биде мотив плус да се победи европскиот шампион кој покажа оваа сезона дека е одличен тим“, додаде тренерот на Вардар.
Учество во игри на среќа е дозволено за лица со 18+ години. Играј одговорно!