„Рамос бил понуден на Барса, доколку јас бев тука ќе го потпишев“

Кандидатот за претседател на Барселона Тони Фреикс откри дека Серхио Рамос во минатото бил блиску до премин во Барселона.

Капитенот на Кралевите во минатото лесно можел да стане член на тимот од Камп Ноу, но заврши во Реал во 2005. година.

Фреикс тврди дека евентуално доаѓање на Рамос во овој момент не е возможно.

„Не можеме да го потпишаме Рамос. Тој е симбол на Реал Мадрид и нема да дојде овде во никој случај.“ – рече Фреикс и додаде:

„Сакав да дојде овде кога беше во Севиља. Колку што знам, бил понуден на клубот. Доколку јас бев овде, ќе го потпишев.“

Рамос во дресот на Реал одигра 661 натпревар и постигна 100 погодоци.