ПСЖ ја најде замената за Мбапе

ПСЖ се вклучи во трката за потписот на францускиот репрезентативец и ѕвезда на Ајнтрахт, Коло Муани.

Коло Муани одигра фантастична сезона во Бундеслигата, а се покажа во одлично светло и на Мундијалот, па го привлече вниманието на многу европски гиганти.

„Светците“ веќе почнаа да работат на трансферот и сакаат да ја победат конкуренцијата. Раководството смета дека Коло Муани ќе биде идеална замена за Мбапе, кој е на излезна врата.

Ајнтрахт сигурно нема лесно да се откаже од Французинот и за неговата слобода бара 100 милиони евра.

Француските медиуми пренесуваат дека спортскиот директор Кампос веќе почнал преговори со агентот на Коло Муани.