Промашувањето од 45 милиони евра на Интер пред трансфер во Премиер лигата

Жоа Марио пронајде нов клуб.

Тимот на Вест Хем е на чекор од доведување на фудбалерот на Интер, Жоа Марио кој оваа сезона има проблеми во Интер. „Чеканите“ се надеваат дека ќе успеаат да се договорат за позајмица до крајот на сезоната, а и самиот фудбалер е одлучен во намерата да се пресели во Лондон.

Планот на Вест Хем е јасен, Дејвид Мојс има големи амбиции со клубот од Лондон, а членот на одличната генерација на Португалија на Европското првенство во Франција секако е таков фудбалер.

Жоа Марио во Интер пристигна во август 2016 година за сума од 45 милиони евра и во тој момент тоа беше втор најголем трансфер во историјата на Интер веднаш зад Кристијан Виери, но Португалецот никогаш не ги исполни очекувањата.