Проблем за Реал: Рен не го дава талентот кој е прва желба на Зидан

Младиот француски репрезентативец и член на Рен, Едуардо Камавинга привлече вниманието на многу европски гиганти.

17-годишниот играч за врска оваа сезона добива се поголема минутажа во тимот на Рен и ги импресионираше фудбалските критичари кои му предвидуваат блескава кариера.

Младиот Французин со своите настапи го привлече вниманието на многу европски гиганти, а дека станува збор за вонсериски талент говори и фактот дека веќе го доби епитетот „новиот Погба“.

Зидан сака да го донесе во своите редови, па Реал веќе остварил првични контакти за ангажман на Камавинга и спреми понуда од 60 милиони евра.

Меѓутоа, со завршувањето на Лига 1, Рен избори пласман во Лигата  на шампиони, па најави дека нема да ги продава своите најдобри играчи.

Претседателот на Рен изјави дека е спремен да ја одбие секоја понуда за Камавинга и сака да го задржи талентот по секоја цена.

For the first time in their history, Rennes will be playing Champions League football next season.

Their 17-year-old star midfielder Eduardo Camavinga is set for Europe's biggest stage ? pic.twitter.com/ZcnOjjhP7j

— B/R Football (@brfootball) April 30, 2020