Пристигна нова понуда за Елмас – бундеслигашот се врати со 25 милиони евра!

Познатиот италијански весник „Кориере дело Спорт“ утрово пренесува дека македонскиот репрезентативец, Елиф Елмас повторно е опција за германски Лајпциг.

Најавите на италијанците се дека Лајпциг ќе се обиде со 25 милиони евра уште во јануари да го доведе „дијамантот“ во своите редови.

Не е првпат Лајпциг да се поврзува со името на македонскиот фудбалер. Во текот на летото се пишуваше за интерес од германскиот бундеслигаш, меѓутоа тогаш Наполи не прифати ниту една понуда, па Елмас остана и оваа сезона во актуелниот шампион на Италија.

Сега останува да се види каков одговор ќе има Наполи сега кога Валтер Мацари е на клупата.