Претседателот на Наполи ја откри иднината на Осимен

Претседателот на Наполи, Аурелио Де Лаурентис, категорично потврди дека Виктор Осимен останува во клубот.

Осимен блесна оваа сезона и со своите настапи му донесе Скудетото на Наполи, но и интерес од многу европски гиганти.

Наполи не сакаше да слушне за продажба за сума под 150 милиони евра, сума која европските гиганти не беа спремни да ја платат.

„Ќе го видиме Виктор Осимен како го носи нашиот дрес и следната сезона, тоа е сигурно. Потоа, ако дојде одлична понуда, ќе продолжиме и ќе најдеме друг врвен талент, како што направивме со Кварацкелија и со Осимен“, изјави Де Лаурентис.

Последните информации се дека двете страни се блиску до договор и наскоро Осимен ќе стави потпис на нов, побогат договор.