По лошите резултати на Реал се огласи и капитенот Рамос

Капитенот на Реал Мадрид, Серхио Рамос смета дека актуелната сезона е една од најлошите во историјата на „Кралскиот“ тим.

Реал Мадрид ја има една од најдобрите екипи во светот и е двократен шампион на Европа, но во Ла Лига оваа сезона игра очајно и се наоѓа на 4. позиција со дури 19. бода помалку од водечката Барселона.

Рамос смета дека сите во клубот треба да останат позитивни.

„Ова е една од најлошите сезони во историјата на клубот, но мораме да останеме позитивни и да продолжиме да работиме. Мораме да бидеме сплотени за да го спасиме остатокот од сезоната и да направиме добар резултат во Лигата на Шампионите“, изјави Рамос.

„Ситуацијата во соблекувалната не е пријатна, но мораме да гледаме напред. Исто така, мораме да бидеме сплотени и да оствариме што подобар резултат во Лигата на Шампионите. Но, за да играте добро во тоа натпреварување, мораме да играме и добро во првенството“, додаде Рамос.