Почина легендарен тренер на Ливерпул

Поранешниот тренер на Ливерпул и ПСЖ, Жерар Улие почина на 73 годишна возраст.

Улие во 2001 година додека беше тренер на Ливерпул имаше операција на срцето, а „Л’Eкип“ дознава дека пред три месеци имал нова операција.

Иако имал проблеми со срцето во наредните денови ќе биде позната причината за неговата смрт. Тој ќе остане запаметен како еден од најпаметните тренери во историјата.

Французинот Ливерпул го водеше од 1998 до 2004 година, а во 2001 година на „Енфилд“ ги донесе титулите во ФА Купот, Лига Купот и Купот на УЕФА.

На почетокот на 90-тите години беше и тренер на репрезентацијата на Франција. Последниот ангажман како тренер го имаше во Астон Вил пред десетина години. Го водеше и Лион со кој два пати ја освојуваше Лига 1.