„Потпоп“ на Олд Трафорд: Јунајтед одамна не бил вака понижен?

Манчестер Јунајтед е буквално декласиран од Тотенхем во првото полувреме од дербито на „Олд Трафорд“ (1:4).

Одлично започна мечот за „црвените ѓаволи“ и поведоа уште во 1-та минута со голот на Фернандеш, а потоа следеше „цунами“.

Само три минути подоцна Ндомбеле го израмни резултатот, а во 7-та минута „заспа“ одбраната на домаќините и Сон погоди за комплетен пресврт.

Во 28-та минута Марсијал заработи црвен картон откако го удри Ламела, а само две минути подоцна Кејн погоди за 1:3. До крајот на првиот дел Сон постигна уште еден гол и го продлабочи кошмарот на домаќините.