Потер за контроверзниот пенал на Челзи: Не знам, не можев да гледам – само ги слушнав навивачите!

Менаџерот на Челзи, Грем Потер, бил емотивен при пеналот кој го изведуваше Каи Хаверц против Борусија во вчерашниот ревамш од осминафиналето.

Фудбалерите на Челзи по голема борба успеаја да ја елиминираат Борусија. По поразот од Дортмунд од 1:0, реваншот во Лондон беше 2:0 за англискиот тим.

„Не сум сигурен како се чувствувам! Има многу емоции. Беше тензично до крајот од мечот, но момците одиграа фантастично. Воодушевен сум што поминавме понатаму“, изјави Греам Потер.

Пеналот предизвика големи контроверзии. Германците протестираа затоа што беше повторен (во првиот обид Хаверц промаши), но Каи Хаверц ја затресе мрежата од вториот обид за водство на Челзи од два гола.

Chelsea retook their penalty due to encroachment after Havertz' shot hit the post.

Havertz scored on the second attempt. pic.twitter.com/0e1Q66U4R4

— ESPN FC (@ESPNFC) March 7, 2023

„Да бидам искрен, не видов сè баш најдобро. Сè што знам е дека некој влезе порано. Понекогаш се случуваат такви работи. Каи (Хаверц) го издржа притисокот. Очигледно е дека имаме доверба во него. Не гледав кога шутираше, но се воодушевив кога ги слушнав навивачите. Изведувањето пенали не е за мене, му се восхитувам на секој што го прави тоа“.

HAVERTZ PENALTY!!
This Team Is On Fire Tonight🔥🔥!! Everyone Fighting.

COME ON CHELSEA !!!! 2-0 DORTMUND

Kepa Potter Koulibaly Chilwell Reece James Cucurella Enzo Kovacic Sterling Havertz Felix Fofana pic.twitter.com/FHBB0mznPO

— Dj Tabz© (@tabagiro) March 7, 2023

Со пласманот меѓу осумте најдобри екипи во Лигата на шампионите, кај Потер и тимот дојде големо олеснување по лошите резултати во претходниот период.

„Беше фантастично чувство во соблекувалната. Поминавме низ тежок период и ова натпреварување ни значи многу. Сакавме да се пласираме во осминафиналето и успеавме. Но, сега треба брзо да се опоравиме и да се подготвиме за сабота кога играме со Лестер во Премиер лигата“, заклучи Потер.

Ждрепката за четвртфиналето и полуфиналето во Лигата на шампионите е закажана за петок, 17 март.