Потврдено: Јувентус го договори првото засилување!

Италијанскиот шампион Јувентус веќе го договори првото засилување за следната сезона, а тоа е дефанзивецот на Џенова, Кристиан Ромеро.

Тоа денес го потврди и претседателот на Џенова, Енрико Прециози, кој изјави дека трансферот е пред реализација.

„Преговорите се во напредна фаза. Парите од овој трансфер ќе ни бидат потребни за потполнување на минусот во клупската каса“, изјави Прециози.

Финансиските детали од трансферот не се познати, но италијанските медиуми откриваат дека Јувентус за младиот дефанзивец ќе плати 20 милиони евра плус бонуси.

„Бјанконерите“ се спремаат за реконструкција и подмладување на одбраната, а Ромеро треба да биде замена за Барзаљи кој заминува во пензија.

Ромеро оваа сезона блесна со настапите во Серија А и го привлече вниманието на многу големи клубови, но Јувентус беше најбрз и ја победи конкуренцијата.