Герет Бејл ќе го напушти Реал Мадрид следниот месец откако ќе му истече договорот.
Бејл во изминатата сезона не играше многу и со оглед на целата ситуација беше јасно дека двете страни чекаат да истече договорот за да се разделат, па така Велшанецот ќе бара нова средина.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Неговиот агент неодамна потврди дека Бејл има голема желба да остане во Шпанија бидејќи таму навистина му се допаѓа на неговото семејство и дека клубовите од Ла Лига ќе имаат предност пред другите.
Мадридски „АС“ утрово објави дека агентот на Бејл долго време е во акција и со сите сили се обидува на Бејл да му најде нов клуб во Шпанија и секако приоритет е да биде клуб кој има високи амбиции.
Наводнои агентот на Бејл пред неколку дена ги контактирал челниците на Атлетико Мадрид и им го понудил на Бејл, а тие во прв момент покажале интерес да се отворат преговори. Сепак, се пропаднало кога бил известен Диего Симеоне, искусниот стратег веднаш ставил до знаење дека Бејл му е непотребен.
Се шпекулира и дека Бејл би можел во Севиља, а доколку пропадне и таа можност најверојатно ќе се врати во Англија.
Учество во игри на среќа е дозволено за лица со 18+ години. Играј одговорно!