Познат приоритетот на Алегри во зимскиот преоден рок

Италијанските гиганти Јувентус и Рома се заинтересирани за услугите на фудбалерот на Борусија Мехенгладбах, Денис Закарија.

Станува збор за 24- годишен фудбалер од средниот ред кој импресионира минатата сезона со настапите во Бундеслигата.

Закарија може да игра на сите позиции во средниот ред, па токму поради тоа е голема желба на многу европски гиганти.

Швајцарскиот репрезентативец влезе во последната година од договорот, па во јануари ќе биде слободен да преговара со заинтересираните клубови.

Јувентус во јануари сака да се ослободи од Артур и Рамизи, па во Закарија гледа идеално засилување и веќе стапил во контакт со неговиот агент.

Алегри го посочил Швајцарецот како приоритет, а „старата дама“ спрема понуда за играчот.