Познато зошто Конте одбива нов договор со Тотенхем

Тотенхем сака да го задржи Антонио Конте на кормилото и спрема понуда со која ќе го направи Италијанецот еден од најплатените тренери во светот.

Англиските медиуми пренесуваат дека Тотенхем му доставил понуда тешка 20 милиони евра по сезона, но Конте одолговлекува со потписот.

Конте постојано ги одложува преговорите околу новиот договор со Тотенхем, а тоа е знак дека сака да го напушти клубот.

„Газета дело Спорт“ ја открива причината и пренесува дека Конте сака на лето да се врати во Јувентус и да го наследи Макс Алегри.

Алегри има уште една лоша сезона со „старата дама“, па претседателот Ањели стапил во контакт со Конте и му го понудил кормилото на Јувентус со цел да го врати клубот на врвот.