Погба со новата изјава ги загрижи навивачите на Манчестер Јунајтед

Со златото од Мундијалот во Русија, Погба е главна ѕвезда во Јунајтед, а повторно изјави дека не е сигурен дали ќе остане во Манчестер.

„Во моментов сум во Манчестер Јунајтед. Имам договор, во моментов играм за тој клуб, но кој знае што ќе се случи во блиската иднина“, изјави Погба за „Sky“.

Мурињо и оваа и минатата сезона во повеќе наврати го критикуваше Погба, кој неодамна изјави дека се плаши од тоа дека клубот ќе го казни доколку изјави што навистина мисли, по прашањето дали е среќен и дали добро се чувствува во Манчестер. Погба беше запрашан за односот со Мурињо, 25-годишниот француски фудбалер одговори:

„Нашиот однос е играч-тренер, и тоа е се. Во една работа може да бидете сигурни, а тоа е дека секогаш ќе давам 100%, без оглед кој е тренер, секогаш давам се од себе“, изјави Погба.