Повеќе и блиските на Меси не кријат: Лео не е среќен, бара нов предизвик

Ситуацијата помеѓу Барселона и Меси е нешто за кое најмногу се пишува во медиумите во овој период. Од вчера кога Меси не се појави на тестирањето пред новата сезона на сите им стана јасно дека Аргентинецот сака да си замине.

Повеќе и блиските на Меси не кријат дека тој има желба за промена. Сега се огласи и братучедот на Меси, Макси Бјанкучи кој се обиде да даде своја анализа.

„Лео мора да најде место каде што ќе биде среќен. Тој си оди зошто не е среќен и сака нов предизвик и тоа е негово право. Неговото чувство мора да се испочитува. Искрено претходно не мислев дека некогаш може да ја напушти Барселона. Од оние клубови со кои се поврзува мислам дека Манчестер Сити е најдобро место за него. Сепак, да почекаме да видиме што ќе се случи“, изјави Бјанкучи.