Пирло: Меси има проблем со психата, не со фудбалот

Барселона и Јувентус вечерва ќе ги одмерат силите во Лигата на шампиони, а во центарот на вниманието секако ќе бидат Кристиано Роналдо и Лионел Меси.

Роналдо е во одлична форма од почетокот на сезоната, а тоа не може да се каже за Меси кој во последно време не игра на своето препознатливо ниво.

За тоа на пресконференцијата зборуваше Андреа Пирло, кој заклучи дека Меси има психички проблеми кои се одразуваат на неговата игра.

„Меси се наоѓа во посебен момент во животот, не само во кариерата, поради проблемите кои ги имаше летоска. Го мачи тоа дали да остане во Барселона или не. Тој ја покажа и оваа сезона својата вредност, но мислам дека повеќе има психолошки проблеми отколку фудбалски. Меси е феномен и тоа го покажува целата своја кариера“, изјави Пирло.