Пиоли убеден дека Леао ќе го продолжи договорот со Милан

Тренерот на Милан, Стефано Пиоли е убеден дека најголемата ѕвезда на тимот, Рафаел Леао ќе го обнови договорот со клубот.

23-годишниот напаѓач се етаблираше во еден од најголемите таленти во Европа, па има голем интерес за него од европските гиганти.

„Две работи се сигурни. Прво, дека Леао се чуствува одлично во Милан бидејќи јас го гледам тоа и често зборуваме, а второ, раководсвото прави се за да постигне договор со неговиот агент“.

„Искрено очекувам добри вести наскоро. Верувам дека неговиот пат во Милан се уште не е завршен. Се гледа дека му е добро во Милан“, изјави Пиоли.

Леао оваа сезона игра одлично и има 6 гола и 5 асистенции на 14 меча во Серија А.