Пике: Постои надеж да го убедиме Меси

Дефанзивецот на Барселона, Жерар Пике летово го убедуваше Лео Меси да остане на „Камп Ноу“ и успеа во тоа.

Меси влезе во последната година од договорот, па Пике сега не е сигурен дали Аргентинецот ќе го продолжи договорот и ќе остане во Барселона.

„Сите сакаме Меси да остане, но не сум сигурен. Само Лео го знае одговорот, ќе треба него да го прашате. Додека е тука со нас постои надеж, се надевам дека ќе успееме да го убедиме“, изјави Пике.

Пике не криеше дека тешко му падна разделбата со Луис Суарес, кој ова лето си замина од Барселона.

„Ми беше многу жал кога Луис замина бидејќи помина во клубот многу години и делевме многу искуства. Да, играте само 90 минути на теренот, но поминувате многу часови со тие луѓе“.