Перез: Можам да се заколнам дека не го прочитав писмото на Зидан

Претседателот на Реал Мадрид, Флорентино Перез даде опширно интервју за шпанските медиуми во кое зборуваше за Зинедин Зидан.

Зидан го напушти Реал на крајот на сезоната и се прости со писмо во кое го нападна раководството на „кралскиот“ клуб.

Перез се заколна дека не го прочитал тоа писмо бидејќи е убеден дека не го пишувал лично Зидан.

„Добро го познавам Зидан и знам дека ова беше тешка година за него. Јас сакав да остане, не го прочитав неговото писмо, би се заколнал во внуците. Знам дека човекот кој го напиша тоа не е Зидан“, вели Перез.

„Му посакувам се најдобро, тој е легенда на Реал и ја има нашата почит за се што направи за клубот. Се воодушевивме од Анчелоти и новото поглавије на клубот. Од самиот почеток мислевме дека Анчелоти ќе биде правото решение и ете тука е. Не разговарав ни со Покетино, ни со Алегри, ниту со Конте“, додаде Перез.