Перез го повика Алвес во Реал и доби експресен одговор

Во Лондон синоќа се одржа церемонијата за прогласување на најдобар фудбалер за 2017 година според ФИФА.

Како што се очекуваше за најдобар фудбалер беше прогласен Кристиано Роналдо кој имаше фантастична сезона со Реал Мадрид. „Кралскиот“ клуб доминираше синоќа во Лондон, бидејќи дури пет фудбалери на Реал беа во тимот на годината.

Во центарот на вниманието беше претседателот Флорентино Перез кој имаше интересен разговор со Дани Алвеш зад кулисите. Перез потврди дека се пошегувал со Бразилецот и повторно го поканил да дојде во Реал Мадрид.

„Налетав на него во салата и како обично беше многу пријателски настроен. Малку одлучив да се пошегувам и му реков повторно дека требаше да дојде во Реал. Тој експресно ми одговори да не го барам никогаш повеќе, се насмеа и замина“, откри Перез.