Пеп е одличен стратег, но и голем човек: Доказ е и последниот господски потег!

Според информациите на Островот, тренерот на Манчестер Сити, Пеп Гвардиола направил господски потег и издвоил околу 700.000 фунти за помошниот персонал во редовите на „граѓаните“.

Гвардиола често пати во јавноста знае да ги пофали и луѓето кои работат зад сцената, па сега медиумите пренесуваат за неговиот последен потег.

Имено, шпанскиот стратег на секој вработен во тимот му поделил по 10.000 фунти со што потрошил околу 600.000-700.000 за бонус на луѓето кои помагаат на првата екипа.

Бонус од Пеп добиле луѓето во обезбедувањето, рецепционерите, куварите, бармените…буквално сите кои имаат некаква заслуга за фудбалерите да имаат најдобри услови.