Дома Топ вести ПАЃА РЕКОРДОТ: Јунајтед ќе го замени Де Геа со најскапиот голман во светот!

ПАЃА РЕКОРДОТ: Јунајтед ќе го замени Де Геа со најскапиот голман во светот!

Манчестер Јунајтед сериозно размислува да ја активира откупната клазула од 120 милиони евра за Јан Облак, пренесуваат англиските медиуми.

Облак во април потпиша нов договор со Атлетико Мадрид и моментално е еден од најдобрите голмани на светот, а Јунајтед покажува сериозен интерес за него.

„Црвените ѓаволи“ имаат проблем со Де Геа, кој одбива да потпише нов договор бидејќи бара да стане најплатениот играч на „Олд Трафорд“, и покрај тоа во последно време направи неколку големи грешки, кои директно влијаеа на резултатите.

Поради сето тоа, Јунајтед е одлучен да му пронајде замена и наводно планира да ја активира клазулата на Облак која изнесува 120 милиони евра. Секако, поголем дел од овој трансфер ќе биде финансиран со продажбата на Де Геа.

Облак претходно беше на мета на Ливерпул и Челзи, но сепак остана верен на Атлетико, кој нема да може да го задржи доколку се појави клуб кој е спремен да плати 120 милиони евра.

Минатото лето беше срушен светскиот рекорд и Кепа Аризабелага стана најскапиот голман во историјата за кого Челзи плати 80 милиони евра.

Доколку се реализира овој трансфер Облак ќе стане најскапиот голман на сите времиња.

Коментари
Прочитајте поврзани статии
Load More In Топ вести

Проверете

Преговорите започнаа, Конте спремен да го преземе Манчестер Јунајтед

Италијанскиот стратег Антонио Конте е спремен да седне на кормилото на Манчестер Јунајтед …