Официјално: Оклахома од денес има пеколно трио

Трансферот беше и официјално потврден ова попладне.

Она што и се најавуваше денес доби и официјална потврда, Кармело Ентони е нов кошаркар на Оклахома.

Ова беше објавено и на официјалниот сајт на Оклахома каде што се наведува дека Ентони пристигнува од Њу Јорк во размена за Дак Мекдерморт, центарот Енес Кантер и еден пик на Чикаго Булс во втората рунда од драфтот во 2018 година.

Ентони има 33 години, а во НБА лигата настапува веќе 14 години, а дури десет пати  настапи во НБА Ол-Стар натпреварите. Зад себе има 976 натпревари, 24.8 поени, 6,6 скокови, 3.1 асистенции, 1.06 украдена топка, за 36.2 минути во просек поминати на паркетот.

Во овој момент се наоѓа на 25 место на вечната листа на стрелци во НБА лигата со 25.156 поени. Во сезоната 2012-2013 беше најдобар стрелец на лигата со просек од 28.7 поени по натпревар.

Со овој трансфер Оклахома создаде пеколно трио со Расел Вестбрук, Пол Џорџ и Кармело Ентони.

Done deal. #MelOKC #ThunderFWD @carmeloanthony pic.twitter.com/UcGtKc0Zak

— OKC THUNDER (@okcthunder) September 25, 2017