Колумбискиот репрезентативец Карлос Бака се врати во Шпанија и кариерата ќе ја продолжи во дресот на Виљареал, потврди денес шпанскиот клуб.
Бака изминатите две години го носеше дресот на Милан, но „росонерите“ ова лето направија револуција во тимот и за Колумбиецот повеќе немаше место на „Сан Сиро“.
Второ коло во ЛШ: Најголемото дерби се игра во Лондон! ↓↓↓
Виљареал ја искористи ситуацијата и го донесе Бака на едногодишна позајмица за која плати 2 милиони евра, а следното лето ќе има право да го откупи за додатни 16 милиони евра.
Бака во редовите на „жолтата подморница“ го задолжи бројот 9 и ќе треба да го замени Роберто Солдадо кој се пресели во Фенербахче.
Колумбиецот во Шпанија настапуваше за Севиља, каде се етаблираше во еден од најдобрите напаѓачи и две години со ред ја освојуваше Лигата Европа со тимот од Андалузија.