Откриено: Руски клуб можел да го купи Нејмар за само 10 милиони!

Претседателот на Локомотив Москва, Николај Наумов откри интересна сторија поврзана со најскапиот фудбалер на светот Нејмар.

Наумов откри дека пред десет години можел да го купи Бразилецот (тогаш 16-годишен) за само 10 милиони евра. Меѓутоа, Локомотив се откажал од трансферот и решиле да вложат во талентот Алан Гатагов.

Во 2008 година младинскиот тим на Локомотив губи во финалето на „Мадитеранен Куп“ од Сантос, каде тогаш настапуваше 16-годишниот Нејмар.

16-летние Коутиньо и Неймар обыгрывают московский "Локомотив" в финале молодежного Mediterranean Cup, ровно 10 лет назад. pic.twitter.com/FVvuVLCSmG

— Sergey Akulinin (@S_Akulinin) January 7, 2018

„Размислувавме дали се исплати да го донесеме или не. Сакавме да го купиме, бидејќи нашите скаути го следеа Нејмар. Меѓутоа имавме големи сомнежи – прво беше премногу млад, а второ не беше јасно како ќе се адаптира на Русија“, открива претседателот на Локомотив.

„Притоа беше многу кревок и слаб. Поради тоа одлучивме да не го купуваме, а ќе чинеше точно 10 милиони евра. Тоа воопшто не беше мала сума за дете од друг континент, па затоа внимававме“, додаде Наумов.