Откриени пораките помеѓу Емилијано Сала и организаторот на летот!

Емилијано Сала исчезна со авионот кој патуваше од Нант кон Кардиф. Полицијата после потрагата која траеше три дена објави крај на истрагата поради екстремно малите шанси пилотот и Сала да се појават живи.

Договорот со Кардиф Сала го потпиша викендот пред да се врати во Нант да се поздрави со соиграчите.

Сала имал проблем да резервира лет, а тогаш на помош се јавил Џеј Мекеј играч кој игра за вториот тим на Кардиф. Врската помеѓува овие двајца била таткото на Мекеј кој работи како фудбалски агент и работел при трансферот на Аргентинецот.

Вили Мекеј (таткото) преку соопштение до јавноста изрази сочуство до семејството на Сала.

„Кога го букиравме летот го контактиравме Дејв Хендерсон. Тој е искусен пилот кој многу пати не пренесувал нас и многу наши фудбалери. Не учествувавме во изборот на авионот на

Сала. Тоа го покажуваат и пораките, на Емилијано не му побаравме пари. Јас со целото моето семејство сакам да изразам сочуство до неговите блиски. Испраќам и порака истрагата да продолжи“, стои во соопштението на Вили Мекеј.

Покрај соопштението тој ги објави и пораките помеѓу Џек (неговиот син) и Сала.

Петок 18 јануари

ЏЕЈ МЕКЕЈ: Татко ми ми кажа дека утре се враќаш. Тој има можност да резервира лет кој директно ќе те однесе до Нант и ќе те врати во понеделеник во време кое тебе ти одговара. Така не би го пропуштил тренингот во вторник.

САЛА: Одлично! Штотуку проверував дали имам лет за Нант утре.

МЕКЕЈ: Летот ќе ти биде организиран директно до Нант.

САЛА: Колку ќе чини?

МЕКЕЈ: Татко ми вели ако ми помогнеш да постигнам погодок нема да те чини ништо.

САЛА: Хахахах со задоволство. Ќе дадеме многу голови. Сакам за Нант да одам утре околу 11 часот и да се вратам во понеделник околу 9 часот навечер.

МЕКЕЈ: Во ред. Ќе те известам кога ќе биде средено.

Недела, 20 јануари

МЕКЕЈ: Здраво, има ли можност да се вратиш во седум навечер во понеделник? Пилотот мора да се врати дома на север откако ќе се врати во Кардиф?

САЛА: Седум ипол би било можно.

МЕКЕЈ: Добро, тоа е во ред.

САЛА: (Му испраќа фотографија од багажот) Ова би можел да го понесам во во авионот?

МЕКЕЈ: Да.

САЛА: Ќе биде во ред?

МЕКЕЈ: Да, има доволно место за твојот багаж.

САЛА: Ок.

Понеделник, 21 јануари

МЕКЕЈ: Ке ти се јавам за кратко

САЛА: (Аудио порака)

МЕКЕЈ: Ми кажаа дека е истата компанија

САЛА: Во ред, фала.