Ново големо име се поврзува со Звезда: Понуден им бил освојувачот на ЛШ со Челзи!

Со седнувањето на клупата на Дејан Станковиќ на Црвена Звезда некои големи имиња започнаа да се поврзуваат со Црвена Звезда.

Откако пред неколку дена во медиумите се појави името на Марио Балотели, сега е објавено дека Џон Оби Микел бил понуден на црвено-белите.

Поранешниот фудбалер на Челзи има 32 години и настапува во Трабзон со големо искуство зад себе со играње на највисоко ниво. Со Челзи во 2012 година ја освои и Лигата на шампионите.

Проблем како што се наведува може да направи тоа што Звезда има поголем број на странци. Како сума која би можеле да ја платат се споменува нешто помеѓу 500.000 и еден милион евра.