Не се снајде на „Олд Трафорд“, сега го сака Милан

Софијан Амрабат после само една сезона ќе ја заврши авантурата во Манчестер Јунајтед.

Тен Хаг по секоја цена го сакаше Амрабат во својот тим, но Мароканецот не се снајде најдобро на „Олд Трафорд“.

Манчестер Јунајтед плати за едногодишна позајмица, но веќе донесе одлука да не го откупи неговиот договор и ќе го врати во Фиорентина.

Таквата ситуација сака да ја искористи Милан, кој бара  засилување за средниот ред и веќе  стапил во контакт со неговиот агент.