Не биле среќни сите во Барселона кога Меси останал: Го ценам Лео ама и си го сакам семејството

Барселона толку многу се бореше да го задржи Лионел Меси што се доби впечаток дека сите на „Ноу Камп“ се среќни што Аргентинецот остана.

Меѓутоа не било баш така. Неименуван функционер на Барселона во разговор за популарниот магазин „422“ откри дека тоа што Меси останал им донело големо разочарување.

„Кога Меси остана бев вознемирен, не бев само јас сите како мене се вознемирија. Неговото останување значеше дека ќе има кратење на платите кај вработените за клубот да ја издржи неговата плата. Го сакам Лионел, многу направи за нашиот клуб и тоа го ценам, но моето семејство го сакам повеќе од тоа“, признал функционерот на Барселона.